पोखरीयामा निश्शुल्क आँखा शिविर सम्पन्न

शिविर उदघाटन कार्यक्रममा नगरप्रमुख प्रधुम्न चौहान, पूर्व उपमेयर सल्मा खातुनलगायत ।

धर्मेन्द्र चौरसिया, पोखरीया, २४ पुस । लायन्स क्लब अफ वीरगञ्ज सेन्ट्रल सिटीले शनिवार पोखरीया नगरपालिका वडा नं. ८ मा निश्शुल्क आँखा चेकजाँच शिविर सम्पन्न गरेको छ ।

 वीरगञ्ज सामुदायिक आँखा अस्पतालसंगको सहकार्यमा सम्पन्न शिविरमा २०० जनाको आँखा चेकजाँच गरिएको र सो मध्ये ७५ जनामा मोतियाबिन्दुको फेला परेको लायन्स सेन्ट्रल सिटीकी अध्यक्ष तथा पोखरीया नपाका पूर्व उपमेयर सल्मा खातुनको बताएकी छन् ।

शिविरमा आँखा परिक्षण गराउन आएका ज्येष्ठ नागरिकहरु ।

 मोतियाविन्दु फेला परेका ७५ जनाको आइतवार वीरगंज स्थित सामुदायीक आँखा अस्पतालमा निश्शुल्क सल्यक्रिया गरिने अस्पतालका डा.महेश सिंह धामीले जानकारी गराएका छन् ।

 शिविर कार्यक्रममा पोखरीयाका नगरप्रमुख प्रधुम्न चौहान, नागरिक अगुवा विन्ध्याचल ठाकुर, वडाध्यक्ष किशोरी साहलगायतको सहभागिता थियो ।  

सो अवसरमा डा. मनोज गुप्ता, डा. लक्ष्मी थापा, महेश सिंह धामी, सुमित साहलगायतले सेवा प्रदान गरेका लायन्स क्लबले जनाएको छ ।