बिलबिजकभन्दा बढी सामान भेटिएपछि ट्रक र चालक पक्राउ

वीरगंज, १२ माघ/

बिल बिजकभन्दा बढी मालसामान लोड गरिएको ट्रकसहित एकजना चालकलाई पक्राउ गरिएको छ । 

पक्राउ परेका चालकसहित ट्रक जिल्ला प्रहरी कार्यालय, पर्साले पक्राउ गरी राजस्व अनुसन्धान कार्यालय, पथलैयामा बुझाएको छ । 

माघ ११ गते वीरगंज महानगर–८ स्थित सडकबाट ना.४ ख ८३३४ नं.को ट्रक चेकजाँच गर्ने क्रममा बिलबिजकभन्दा बढी मालसामान भेटिएपछि १ करोड ६३ लाख मूल्याङ्कन गरी राजस्व अनुसन्धान कार्यालय, पथलैयामा बुझाइएको जिप्रका, पर्साले जनाएको छ ।