एजेन्सी, २८ साउन, काठमण्डौ /
बेलायतको लण्डनबाट रुससम्म यात्रा गरेर एउटा चमेराले कीर्तिमान कायम गरेको छ । तर २ हजार १८ किलोमिटर भन्दा धेरै कीर्तिमानी यात्रा गर्ने उक्त चमेरो बिरालोद्धारा मारिएको छ ।
उक्त चमेरोको तौल ८ ग्राम थियो । स्कोभ क्षेत्रमा पर्ने मोलगिनो नामको एक सानो गाउँमा स्थानीय स्वेतलाना लापिनाले उक्त चमेरो फेला पारेकी थिइन् । उनले बेलायतको चमेरा संरक्षण कोषलाई त्यसबारे जानकारी दिइन् ।
बेलायतको चमेरा संरक्षण कोषकी प्रमुख लिसा भर्लेसका अनुसार चमेरोले त्यतिधेरै यात्रा गर्नु कीर्तिमान तथा उल्लेखनीय यात्रा हो । बेलायतको कुनैपनि चमेराले गरेको यो सबैभन्दा लामो यात्रा भएको उनको भनाई छ ।
उनले उक्त चमेरोलाई गज्जबको ओलम्पियन धावन भनेकी छिन् । उनका अनुसार उसको यात्रा एक रोमान्चक वैज्ञानिक खोज हो र चमेराको यात्राको रहस्यको एक सानो अंश हो ।
स्मरण रहोस् नाथुसियस पिपिस्ट्रेल प्रजातिकै अर्को चमेराले गरेको सबैभन्दा लामो यात्राको कीर्तिमान चाहीँ यो चमेराले भंग गर्न सकेन । सन् २०१९ मा यहीँ प्रजातिको एक चमेरा लाट्भियाबाट स्पेनसम्मको २२४४ किलोमिटर यात्रा गेको थियो ।
">